Elkar Argitaletxea

Hemeroteka

XAGUXAR

Haur literatura

Datu teknikoak

ISBN: 978-84-9027-726-3
Urtea: 2017

MUNSTRO TXIKIAK - MAMUTXO BERE GURASOEN BILA
AGIRRE GARMENDIA, ALAINE / MENDIGUREN ELIZEGI, XABIER / SANTOS, MIKEL "BELATZ" (IL. )

Informazio orokorra
Biografia
Bibliografia

Munstro txikiak - Mamutxo bere gurasoen bila, Alaine Agirre, Xabier Mendiguren, Belatz: Bost lagun dira Munstroen Eskolako ikasleak: Hagintxo, Mamutxo, Sorgintxo, Frankitxo eta Neskaotso. Eta haien irakaslea Andereño Herminia. Guztien bizitzak eta komeriak ezagutu ahalko dituzu orain Munstro Txikien istorioak irakurriz. Mamutxok kasualitatez deskubrituko du bere gurasoak, hiltzat jotzen zituenak, bizirik daudela, Parisko jolas-parke batean preso. Bere lagunak konbentzituko ditu haien bila joateko, eta bidean mila abentura eta kalentura pasatu beharko dute.

ALAINE AGIRRE

Alaine Agirre Garmendia 1990ean jaio zen Bermeon. Fisika eta Filologia ikasketak hasi zituen, baina horiek utzi eta idaztera emana bizi da gaur. Haurrentzako hainbat kontakizun idatzi ditu, eta horiei esker zenbait sari irabazi, hala nola Lizardi eta Lazarillo. Helduentzat, berriz, bi nobela idatzi ditu gaur arte.

XABIER MENDIGUREN

Donostian 1964an jaioa den arren bizitza osoa Beasainen daraman idazle honek bi filologia lizentziatura dauzka, euskaran eta hispanikoan. Lanbidez editorea Elkar argitaletxean, gazte nahiz helduentzako literatur arduraduna da.

Bere sormen lanean ia genero guztiak landu ditu, haur edo gazte literatura, ipuingintza, nobela edota antzerkia, azken hau 90. hamarkadatik utzia baldin badauka ere. Idazle oparoa, urtero irakurleei hutsik egiten ez diena, sariek ere ugari bisitatu dute bera, besteak beste Lizardi, Toribio Altzaga edota Donostia Hiria sariak lortuz.

Bere lanen artean: Karakolaren barruan (2005, Elkar); Bihotz gosetien kluba (2005, Elkar); Karabana batean bizi naiz (2006, Elkar); Arima enkoniatuak (2006, Elkar); Lierni eta Marrokoa (2007, Elkar);Elvis hil zen urtean (2007, Elkar); Miss txatarra (2007, Elkar); Tatuaje bat daukat, eta zer? (2008, Elkar); Itsasoko loti ederra (2009, Elkar); Joxemeren asmazioak (2009, Elkar), Vikingoen sorterrira (2010, Elka), Hiru triku, hiru truku (2010), Buelta bat aitontxuarekin (2010, Elkar), Sakoneta (2011, Elkar), Motozerra (2011, Elkar), Pobreak gara eta zer? (2012, Elkar), Kulerozahar (2012, Elkar), Printzesa txisontzia (2014, Elkar).

[2018]